******

روشنال یار آجا کسی اچھے سے ڈھابے چائے پیتے ہیں ۔۔۔

وہ لیپ ٹاپ بند کرکے بیگ میں ڈال رہا تھا گھر جانے کےلیے۔۔۔۔!

جب فرقان ضیاء نے ڈور ناک کرکے اسے پکارا تھا۔۔۔

اوکے چلتےہیں ۔۔۔یہ کہہ کر اس نے بیگ پیچھے اٹھایا تھا اور اس کے ساتھ نکلا تھا۔۔۔

وہ اس کے ساتھ نکلا تھا ۔۔۔اور پھر دونوں ڈھابے میں آکہ گھپ شپ لگانے لگے ساتھ میں چائے پینے لگے ۔۔۔

بھابی تیرے ساتھ خوش تو ہیں نہ ۔۔۔۔وہ اس پہ نگاہ ڈالتا مشکوک سا بولا تھا۔۔۔

ہوں۔وہ محض ہوں میں سر ہلاتا بولا تھا۔۔۔

بیٹا تیرے چہرے سے پتہ چل رہا ہیں وہ تو خوش ہیں پر تو خوش نہیں ہے۔۔۔۔وہ اس کے چہرے کے بگڑے تاثرات نوٹ کرتا طنزیہ لہجہ لیے بولا تھا ۔۔۔

یار وہ میرے ساتھ رہنا ہی نہیں چاہتی۔۔۔۔۔میں اسکے پاس سے بھی گزروں تو اس کے لہجے میں حقارت ہوتی ہے ۔۔۔میں اس کی طرف دیکھوں بھی تو اس کا بس نہیں چلتا میری آنکھیں نکال لیں۔۔۔۔میں اس کی ذات کو ڈسکس نہیں کر رہا تیرے ساتھ ۔۔۔۔لیکن جگر صاف بتاؤں ۔۔۔۔۔

وہ اب مجھ سے کنارہ کشی کرنا چاہتی ہے۔۔۔!

میں اسے چھوڑنا نہیں چاہتا ۔۔۔۔لیکن وہ میرے ساتھ رہنا نہیں چاہتی ۔۔۔۔روشنال دھیما لہجہ لیے بولا تھا ۔

یہ بات تجھ سے خود بھابی نے کہہی ہے ۔۔۔وہ چائے کی آخری چسکی لیے بولا ۔۔۔۔!

اس کی آنکھوں نے بتائی ہے۔۔۔۔ وہ چائے کے کپ کے ساتھ ہلکے سی انگلی بجاتے اذیت ناک لہجے میں بولا ۔۔۔

جیسے اپنا درد چھپانا چا رہو ۔۔۔۔!

میرے سامنے تو تو رانجھا بن جاتا ہے۔۔۔۔ذرا یہ بے قراری بھابھی کو دکھا ۔۔۔۔۔وہ اس کو ڈانٹتا ہنس کر بولا تھا۔۔

یار میں ہوں ہی ایسا۔۔۔۔مجھ سے میٹھے لہجے میں بے قراری نہیں دکھائی جاتی اور یہ مٹھاس میری زندگی کا حصہ نہیں ہے۔۔۔وہ بے بس سا بولا تھا۔۔۔

تجھے پتہ ہے ۔۔۔۔۔! میری شادی کو گیارہ سال ہوگئے ہیں چھٹے سال میں ایک دن میں نے تیری بھابھی کو غصے میں تھپڑ مارا تھا اس ایک بدلے کے تھپڑ میں وہ پورا مہنیہ میکے رہی تھی ۔۔۔ میرے سالوں نے علحیدہ سے بے عزت کیا ۔۔۔سسر نے تو اتنی عزت کی کہ آج تک بھول نہیں سکتا ۔۔۔لیکن پھر بھی وہ اس تھپڑ کو نہیں بھولی۔۔۔!

وہ ابھی تک اس تھپڑ کے بدلے لیتی ہے۔۔۔۔وہ اس ایک تھپڑ کونہیں بھول پا رہی ۔۔۔۔حقیقت تو یہ ہے ان عورتوں کو نرمی سے پتھر پھول لگتا ہے اور غصے سے مارا گیا پھول بھی پتھر لگتا ہے وہ بھول نہیں سکتیں۔۔۔۔!

عورتیں میٹھے لہجوں کی محبوب ہوتی ہے ان کو نرمی سے چلانا پڑتا ہے سختی سے بات کرو تو وہ ٹوٹ جاتی ہیں عورت اپنے شوہر پہ ہی غصہ کرتی ہے۔۔۔اس کے سامنے روتی ہے۔۔۔اپنا آپ اس سے منواتی ہے سچ بات میں تیری بھابی سے نہیں ڈرتا اس کی ناراضگی سے ڈرتا ہوں۔۔۔اور عورت بھی لڑ جھگڑ کر اپنا آپ منواتی ہے اسے پتہ ہوتا ہے کہ اس کا شوہر اس کی بات سنے گا سمجھے گا ۔۔۔۔! کیونکہ اسے اس پر مان ہوتا ہے پر تُو میری بات نہیں سمجھے گا۔۔۔۔!

یار قسم سے تیری کہانی سن مجھے رونا آگیا ہے پر پہلے فون اٹھالے پھر مجھے لیکچر دے لینا۔۔۔۔۔اپنے اس لیکچر کے چکر میں یہ ہی بھول گیا کہ پچھلے پانچ منٹ سے تیرا فون بج رہا ہے۔۔۔

روشنال کو اس کی باتیں دل میں کبُھتی ہوئیں محسوس ہوئیں تھیں پر اس نے مذاق میں ٹال دیا تھا۔۔۔کچھ دیر میں وی اس کے ساتھ ہی گھر کےلیے نکلا تھا ۔۔۔۔

********

وہ آج نارمل موڈ میں گھر آیا تھا۔۔۔۔! لیپ ٹاپ کمرے میں رکھتا وہ باہر لاونج میں آکہ بیٹھ گیا تھا۔۔۔۔

کچن میں سے کھانے کی اشتہا انگیز خوشبو آرہی تھی لیکن وہ کچن میں کہیں نہیں تھی ہمیشہ کی طرح غائب تھی ۔۔۔۔

اسے پتہ تھا وہ نمازِ عشا پڑھ رہی ہوگی۔۔۔! اس لیے خاموش سا صوفے پر اپنے بازؤں کو سر کہ پیچھے دے کر لیٹنے والا انداز میں بیٹھا اور آنکھیں موند لیں تھیں ۔۔۔

اس کی ایک جھلک دیکھنے کےلیے وہ باہر بیٹھا ہوا تھا لیکن وہ تھی نکلنے کا آنے ہی نہیں لے رہی تھی۔۔۔۔

کچھ سوچتا وہ اٹھا تھا۔۔۔۔اور اس کے روم میں چلا آیا تھا۔۔۔جو نماز پڑھ کہ فارغ ہوئی تھی اس کو اندر آتا دیکھ کر بھنوئیں چڑا گئی تھی۔۔۔

آپ کو ناک کرکے آنا چاییے تھا ۔۔۔۔ایسے کسی کی اجازت کے بنا اندر نہیں آنا چاہیے ۔۔۔۔وہ نماز کو تہہ کرتے ہوئی سنجیدگی سے بولنے لگی تھی ۔۔

اوہ۔۔۔۔ہیلو۔۔۔۔۔محترمہ ۔۔۔۔کسی کا تو کہہ سکتا ہوں کہ ناک کرکے جانا چاہیے ۔۔۔لیکن تم میری بیوی ہو۔۔۔۔!

تم میری زندگی میں بنا دستک کہ گھس آئی ہو۔۔۔میں بڑی مشکل سے تمھیں قبول کر رہا ہوں۔۔۔۔ اسکے لہجہ میں شرارت تھی۔۔۔

تو دے دیں طلاق نہ کریں قبول۔۔۔۔۔وہ پھٹ پڑی تھی صبح کے واقعہ کو سوچ کر وہ پہلے ہی پریشان تھی اب اس کی اس بات پہ وہ برادشت نہیں کر پائی اور بول پڑی تھی اپنی ذات کی تزلیل پہ آنکھوں سے آنسو نکلے تھے۔۔۔

مذاق کر رہا ہوں یار۔۔۔۔۔ہر وقت خفا خفا کیوں رہتی ہو۔۔۔؟ وہ اس کے روئے روئے گلابی چہرے کو دیکھ کر مبہوت ہوکر رہ گیا تھا اور اس کی طرف بڑھا تھا۔۔۔

آپ کےلیے کھانا بنا دوں۔۔۔۔۔بھوک لگ رہی ہوگی نا آپ کو۔۔۔؟

وہ اس کو اپنی طرف آتا دیکھ کر یہ کہہ کر سنجیدگی سے باہر نکل گئی تھی ۔۔

جبکہ روشنال اس کے ایسے رویے پہ لب بھینچ کر رہ گیا تھا اور دروازے کی طرف دیکھنے پڑا تھا جہاں سے وہ گزر کے گئی تھی۔۔۔

*****

وہ فریش ہوکر کچن میں چلا آیا تھا اور آہستگی سے چلتا ٹیبل پہ بیٹھ گیا تھا روشنال اس کو دیکھنے لگا ۔۔۔۔جس کا ڈوپٹہ تو ہر وقت اس کے چہرے پر ہوتا تھا۔۔۔اس نے ایک منٹ بھی اسے مڑ کر نہیں دیکھا تھا اس کی خاموشی اسے کھل رہی تھی۔۔وہ ایسی خاموش تو پہلے کبھی نہیں ہوئی تھی۔۔۔۔

وہ سالن اور چپاتی اس کے منہ کے آگے رکھتی ہٹ گئی تھی۔۔۔

یہ نئے سٹائل کا ڈوپٹہ کہاں سے سیکھا ہے ۔۔۔۔ایسے لگتا ہے جیسے کالج میں شوہروں سے پردہ کروانے کا طریقہ بتاتے رہیں آج۔۔وہ ایک طرف سے ڈھکے گال کو دیکھتے ہوئے بولا تھا ۔۔۔

اس کی خاموشی کو توڑنے کی خاطر لطیف سا طنز کرگیا تھا۔۔۔

وہ اس کے طنز پر کچھ نہیں بولی تھی اس نے گال اس لیے چھپایا تھا کہ وہ اس کے چہرے پر ٹھپڑوں کے نشان نہ دیکھ لے۔۔۔۔! کیونکہ میم ثنا نے اسے جنگلیوں کی طرح مارا تھا۔۔۔۔ان کے بیلز کے نشان اس کے گال پر تھے۔۔۔!

ادھر آکے کھانا کھاؤ میرے ساتھ۔۔وہ اس کو برتن سمیٹتا دیکھ کر اس سے بلوایا تھا۔۔

میں کھا چکی ہوں۔۔۔آپ کھالیں۔۔۔۔! وہ جھوٹ تو بول گئی تھی ۔۔۔کیونکہ اسے پتہ تھا وہ شخص زبردستی بھی اسے اپنے ساتھ بیٹھا کر کھلائے گا۔۔۔

اس کے بعد وہ خاموشی سے کھانا کھانے لگا اور اس نے ساس پین میں پانی رکھا تھا چائے بنانے کےلیے۔۔۔

اچھا بات سنو۔۔۔مجھے چائے میرے کمرے میں دے آنا میرا کام پینڈنگ پڑا ہوا ہے وہ کرنا ہے ۔۔۔۔!

وہ یہ کہہ کر چلا گیا تھا۔۔۔جبکہ پیچھے اشنال گہری سانس لیتی چائے کی طرف متوجہ ہوئی تھی۔۔۔

۔۔۔۔۔۔۔

دس منٹ میں وہ چائے لے اور ناک کیا تھا اس کی اجازت پاکر وہ اندر آئی جو بہت ہی بزی دکھائی دے رہا تھا۔ چائے رکھ کر جانے لگی جب وہ بولا تھا۔۔۔

آج تمھارے کالج سے فون آیا تھا۔۔۔۔کل بلوایا ہے کالج میں کوئی میٹنگ وغیرہ تو نہیں ہے۔۔۔۔۔!

وہ اس پہ لیپ ٹاپ سے نظریں اٹھا کر گھمبیر بھاری لہجے میں بولا تھا۔۔۔

ججج۔۔۔۔جی۔۔۔وہ حیرانگی سے کانپپتا دل لیے مڑی اور اسے دیکھا ۔۔۔۔

اشنال بخت کی بھاری مگر گھمبیر آواز سن کر اس کا ننھا سا دل خوف سے کانپا تھا۔۔

اس کا سر جو پہلے ہی گھوم رہا تھا۔۔۔۔! اس کی بات سن کر وہ اپنا سر ہاتھوں میں تھام گئی تھی اس سے پہلے وہ گرتی روشنال بخت جلدی سے بیڈ سے اٹھا ۔۔۔۔

اس کی اڑتی رنگت دیکھ کر اس نے اسے بازوؤں میں تھام لیا تھا۔۔۔!

اشنال۔۔۔۔اشن۔۔۔۔۔۔کیا ہوا ہے۔۔۔

اس کے چہرے کو تھپکتا اسے بیڈ پہ بیٹھا گیا تھا وہ اس کی اڑی رنگت اسکا خوف سے پیلا پڑتا چہرہ دیکھ کر بوکھلا گیا تھا۔۔۔

اس کو پانی پلایا ۔۔۔۔۔۔تاکہ اس کے چہرے کی رنگت بحال ہو۔۔۔وہ سمجھ نہیں پار رہا تھا۔۔۔وہ ڈر کیوں رہی ہے۔۔۔

اب ٹھیک ہو۔۔۔۔اسکی تھوڑی سی بہتر حالت دیکھ کر وہ نرم لہجے میں بولنے لگا تھا۔۔

پلیز۔۔۔۔۔چھوڑیں مجھے ۔۔۔مم۔۔۔میں نے سونا ہے۔۔۔!۔۔۔۔وہ عجیب سا ہیجان لہجے لیے بولی تھی ۔۔

آج ادھر ہی سو جاؤ ۔۔۔میں صوفے پر سو جاؤں گا۔۔۔وہ اس کی تھکے چہرے پر نگاہیں ڈالتا بولا ۔۔۔۔

نن۔۔۔نہیں میں نے اپنے روم میں سونا ہے۔۔۔۔وہ کترا کر اس کی گرفت سے نکلنے کےلیے مچلی تھی۔۔۔

میں کیا بکواس کر رہا ہوں۔۔۔۔۔! نرمی کی زبان تو سمجھنا تم پہ گناہ ہے ۔۔۔لیٹ جاؤ سکون سے نہیں کہہ رہا کچھ تمھیں۔۔۔۔محافظ ہوں تمھارا لُیٹرا نہیں۔۔۔۔

اپنی سرد آنکھیں اس پہ جمائے اتنی سختی سے بولا اشنال کانپ کر رہ گئی تھی۔۔۔۔

چلو سوجاؤ۔۔۔۔اس کو کانپتا دیکھ کر اب کی بار نرمی سے بولا اور اسے بیڈ پہ لٹاتا اس پہ کمفرٹ اڑا کہ خود صوفے پر بیٹھ گیا تھا۔۔۔۔۔

جبکہ اشنال اس کے پل پل بدلتے لہجے کو دیکھ کر اندر سے بہت خوفزدہ تھی وہ لیمپ کی لائٹ کو آن کرتا اور کمرے کی لائٹ آف کرتا لیپ ٹاپ سنھبالتا صوفے پر لیٹ گیا تھا۔۔

اشنال پریشانی سے اس کو دیکھتی رہی تھی جس نے اپنی آنکھیں موندی ہوئییں تھیں۔۔۔جبکہ اسے پتہ تھا اس کی ساری رات بے چین گزرنی ہے وہ غلط نہیں تھی ارگرد ماحول میں بسنے والے لوگ غلط تھے۔۔۔ وہ پریشان تھی وہ شخص اس کے سامنے تو تھا لیکن اس کے پاس نہیں تھا اسے اس شخص کی ضرورت تھی لیکن وہ اپنی عزتِ نفس کو قائم رکھنے والی لڑکی تھی۔۔۔۔وہ کبھی اسے سے یہ نہیں کہہ سکتی تھی۔۔۔۔آؤ میری زندگی خزاں زندگی میں خزاں کے پھول لگاؤ۔۔۔۔حالانکہ اسے پتہ تھا اس شخص کی آنکھوں میں اسے محبت نظر آتی تھی۔۔۔

؎ بڑی بے اماں سی ہے زندگی

اسے بن کے کوئی پناہ ملے

کوئی چاند رکھ کر میری شام پر

میری شب کو مہکا کر گلاب کر

کوئی بدگماں سا وقت ہے۔۔۔۔

کوئی بدگماں سی دھوپ ہے

کسی سایہ دار سے لفظ سے

میرے جلتے دل کا حجاب کر

پورے دن سے سوچ سوچ کر اس کا دل گبھرایا جا رہا تھا

اس کا دل بند ہونے لگا تھا اس نے ڈوپٹہ اتار کہ ساتھ رکھ دیا تھا۔۔۔پھر بھی جلتے دل کو سکون نہیں آرہا تھا اسے بس یہ ہی خوف کھائے جارہا تھا کہ جب روشنال کو پتہ چلے گا وہ تو اسے جان سے مار ڈالے گا۔ ۔۔

وہ اضطرابی کی کیفیت میں اٹھ بیٹھی تھی ۔۔۔۔لیکن سکون نہیں ملا تو پھر لیٹ گئی تھی وہ بے چین تھی لیکن اسے سکون نہیں مل رہا تھا۔۔۔وہ بار اٹھ کر بیٹھتی اور بار بار لیٹتی ۔۔

روشنال کی آنکھ کھلی تو اسے بے چین دیکھ کر وہ بے سکون ہوگیا تھا وہ مسلسل ایک گھنٹے سے لیٹتی اور بیٹھتی روشنال تب سے دیکھ رہا تھا اب وہ لیٹی ہوئی تھی ۔۔۔۔اس سے سمجھ نہیں آرہی تھیں کہ اس کی بے چینی کی وجہ کیا ہے۔۔۔۔اس نے جو بازوؤں آنکھوں پہ رکھے تھے وہ سینے پہ باندھ لیے اور اسے دیکھنے لگ پڑا ۔۔۔

اشنال جو اپنی سوچوں سے نکلی اس کی طرف دیکھا تو دیکھا تو دھک سے رہے گئی تھی وہ بھی اسی ہی کی طرف دیکھ رہا تھا ۔۔۔

ایک لمحے میں دونوں کی نظریں چار ہوئیں تھیں ۔۔۔۔! اشنال کی نظر لمحے بھر کو اس کی نظروں سے ملی تھی۔۔

کرب۔۔۔نارسائی ، دکھ ، پریشانی ، بےبسی کیا کچھ نہیں تھا اس کی اُس ایک نظروں میں۔۔۔۔۔وہ اسے شروع سے جانتا تھا۔۔۔

اس کی نگاہوں سے تقاضوں سے خائف ہوتی وہ

فی الفور اپنی نظروں کو بدل گئی تھی اس کی ڈراج بروُان آنکھوں میں معنی خیز سی چمک تھی۔۔۔۔۔۔یکدم ہی جیسے اپنے اور اس کی بیچ رشتے کا احساس جاگا تھا۔۔۔

وہ اور مضطرب ہوتی نگاہیں پھیرگئی تھی ۔۔۔۔!

خاموشی کا گہرا احساس ان دونوں کے بیچ تھرتھرانےلگا۔۔

اس کی نگاہوں کو دیکھ کر اس کا دل خدشات کی زد میں آکہ دھک دھک کرنے لگا تھا۔۔۔