“تم سچ کہہ رہی ہو روحی تمہیں گولی لگی تھی” حمنہ نے اپنے منہ پر ہاتھ رکھ کر حیرت سے کہا

اس وقت وہ دونوں کینٹین میں بیٹھی ہوئی تھیں عائزہ آج نہیں آئی تھی

اسے کالج آتے ہوے چار دن ہوچکے تھے اور ان چار دنوں میں ہی اسکی حمنہ سے کافی اچھی دوستی ہوچکی تھی

اسکی کلاسس شروع ہوے ایک ماہ ہونے والا تھا لیکن جب تک وہ مکمل صحت یاب نہیں ہوگئی اور اسکے چہرے کی پیلی رنگت جو صرف زہرہ بیگم اور حریم کو دکھ رہی تھی ختم نہیں ہوگئی جب تک زہرہ بیگم نے اسے کالج نہیں آنے دیا

“ہاں وہ لڑکا کھڑا تھا میں ایسے گئی اور اسے ایسے دھکا دیا” اپنے ہاتھوں کا استعمال کرکے وہ اسے سارے اسٹیپ کرکے دکھا رہی تھی

جب سے کالج آئی تھی وہ اسی کشمکش میں مبتلا تھی کہ یہ بات حمنہ اور عائزہ کو بتاے یا نہیں کیونکہ پاپا نے أسے یہ بات بتانے سے منع کیا تھا لیکن پھر اسنے خود ہی سوچا کہ انہوں نے گھر والوں کو بتانے سے منع کیا تھا دوستوں کو تھوڑی

اسلیے آج وہ پوری اسٹوری حمنہ کو سنارہی تھی سب کو بتانا بھی تو تھا کہ وہ کتنی بہادر ہے

“پھر کیا ہوا”تجسس سے کہتے ہوے حمنہ نے اپنی چئیر مزید آگے کی

“پھر ایک آدمی تھا وہ لڑکا اسے دادا بلا رہا تھا تو اس لڑکے نے مجھے اس آدمی کے ساتھ پاپا کے پاس بھجوادیا”

“تم تو بہت بہادر ہو روحی” اسکے کہنے پر روحیہ نے شرما کر اپنی تعریف وصول کی

“اچھا میں دیکھ لوں بھائی مجھے لینے تو نہیں آگئے” اپنا بیگ اور ٹیبل پر رکھی کتاب اٹھا کر وہ اپنی جگہ سے اٹھ کھڑی ہوئی

روحیہ بھی اسکے ساتھ ساتھ ہی چلنے لگی اور گیٹ تک پہنچنے تک بھی وہ دونوں باتیں کرتی رہیں

حمنہ کا بھائی لینے آگیا تھا اسلیے روحیہ کو اللہ حافظ کہہ کر وہ باہر نکل گئی اور اسکے جاتے ہی روحیہ بھی دوبارہ کالج کے اندر چلی گئی

حسین صاحب ایک ہی فکس ٹائم پر اسے لینے آتے تھے اور ابھی انکے آنے کا ٹائم نہیں ہوا تھا

°°°°°

“تمہارے ساتھ یہ لڑکی کون تھی” اسکے گاڑی میں بیٹھتے ہی زین نے پوچھا جو کب سے گیٹ پر کھڑی روحیہ کو دیکھ رہا تھا جو اب اندر کالج میں جاچکی تھی

“وہ میری دوست ہے بہت پیاری ہے”

“ہاں وہ تو لگ رہی ہے” یہ بات اسنے دل میں سوچی

“اف اللہ میں اسکی کتاب بھی لے آئی رک جائیں میں دے کر آتی ہوں” اپنے ہاتھ میں موجود تین کتابوں میں سے ایک روحیہ کی تھی جو وہ اپنی کتابوں کے ساتھ ہی اٹھالائی تھی

“نہیں رہنے دو ٹائم لگے گا بعد میں دے دینا” نارمل لہجے میں کہتے ہوے اسنے گاڑی اسٹارٹ کردی جبکہ زہہن کے پردے پر روحیہ کا عکس گھوم رہا تھا

°°°°°

آنکھیں موندے وہ اس وقت اپنی پرنسسز کے خیالوں میں گم تھا

ٹھنڈے بند کمرے میں سگریٹ کا دھواں پھیلا ہوا تھا

اسنے آنکھیں کھول کر آدھا بچا ہوا سگریٹ ایش ٹکرے کیں ڈالا اور ٹیبل پر رکھا وہ سفید ڈوپٹہ اٹھالیا اور ہاسپٹل کا منظر یاد کرنے لگا

“آپ کون ہیں”

“جسے تم نے دھکا دیا تھا جس کے بدلے کی گولی کھائی تھی”

“مجھے ماما کے پاس جانا ہے”

“ماما کے پاس کیوں جانا ہے”

“مجھے درد ہورہا ہے”

ایسا لگ رہا تھا اسکی معصوم سی آواز ابھی تک اسے سنائی دے رہی تھی

گہری مسکراہٹ کے ساتھ اسنے روحیہ کے ڈوپٹے پر اپنے لب رکھ دیے