°°°°°°°

اس کا بس نہیں چل رہا تھا کہ وہ کچھ کر بیٹھے وہ جسے نادان بچی سمجھ رہا تھا وہ اس سے ایسی بات کرے گی یہ تو وہ سوچ بھی نہیں سکتا تھا

یہ نہیں تھا کہ آج تک کسی لڑکی نے اس سے اپنی محبت کا اظہار نہیں کیا تھا بہت ساری لڑکیاں تھیں جو کھل کر اپنے جذبات اس کے سامنے ظاہر کر چکی تھی وہ جانتا تھا وہ ایک شاندار شخصیت کا مالک ہے کوئی بھی اس کی محبت میں گرفتار ہو سکتا ہے

لیکن خاندان کے اندر کسی لڑکی کا اس طرح سے بے باکی سے اظہار محبت کرنا اسے غصہ دلا گیا تھا ۔

اسے شیزرہ کا بے باک انداز پسند نہیں آیا تھا ۔آج کل لڑکیوں کے لئے محبت مذاق بن گئی تھی کوئی بھی دل کو ذرا سا اچھا لگے تو اسے محبت کا نام دے کر جذبات کا اظہار کرنا ایک عام سی بات ہو چکی تھی۔

اگر بات خاندان کی عزت کی نہ ہوتی تو وہ اس بات کو نظر انداز کر دیتا وہ رشتے میں اس کی بہن کی نند تھی وہ اس بات کو نظر انداز نہیں کر سکتا تھا ۔

اس نے شیزرہ کا نمبر بلاک کر دیا تھا وہ اس کے جذبات کو بالکل ہوا نہیں دے سکتا تھا اور نہ ہی اس کے بچپنے میں اس کا ساتھ دے سکتا تھا وہ سمجھ چکا تھا کہ وہ لڑکی بھی اس کی پرسنلٹی سے انسپائر ہے جسے وہ محبت کا نام دینے لگی ہے

جو اس کے لئے بالکل بھی صحیح نہیں تھا وہ اس کے جذبات کو اتنی اہمیت بھی نہیں دے سکتا تھا کہ وہ اسے سمجھانے کے لیے وقت نکال لے اس کے سمجھانے کا وہ کچھ اور ہی مطلب لیتی اسی لیے اس نے یہی سوچا کہ وہ اس سے کوئی رابطہ نہیں کرے گا

ابھی تو اسے یہ سمجھ نہیں آ رہا تھا کہ آخر اس کے پاس اس کا نمبر کہاں سے آیا ۔کیونکہ وہ اپنا پرسنل نمبر صرف اپنی فیملی ممبرز کے لئے استعمال کرتا تھا وہ بہت کم لوگوں کے پاس تھا ۔

اور اسمارا کو تو کبھی اس کے پرسنل نمبر کی ضرورت ہی نہیں تھی کہ وہ یہ سوچتا تھا کہ شاید اس نے اسمارہ سے اس کا نمبر لیا ہوگا وہ یہی سوچ رہا تھا جب اچانک اسے خیال آیا کہ کچھ دن پہلےجب وہ ٹرپ والا واقعہ پیش آیا تھا اس نے شیزرہ سے شہریار کا نمبر لے کر اسے فون کیا تھا یقینا شہریار کے فون میں اس کا نمبر محفوظ ہوگا ۔

اس

نے اس وقت اس بے وقوف کی بیوقوفی کو نظر انداز کرنے کا فیصلہ کیا اور اس کا نمبر بلاک کرتے ہوئے اپنی طرف سے قصہ تمام کر دیا اس کا غصہ اپنی جگہ لیکن وہ اپنی وجہ سے اپنی بہن کی زندگی میں کسی قسم کی کوئی پریشانی نہیں لانا چاہتا تھا

بہت وقت کے بعد اس کے گھر میں خوشی آئی تھی جسے وہ اپنی وجہ سے خراب نہیں کرنا چاہتا تھا

°°°°°

انہوں نے تو میرا نمبر ہی بلاک کردیا اب کیا کروں میں کسی دوسرے نمبر سے فون کروں نہیں ورنہ وہ اور بھی زیادہ مجھ سے ناراض ہو جائیں گے ۔تو پھر میں کیا کروں ۔۔۔؟

اسے کچھ سمجھ نہیں آرہا تھا اس کے پاس کرنے کے لئے کوئی بات نہیں تھی لیکن ایک بار پھر سے قلب کی آواز سننے کی بے چینی اس پر سوار ہونے لگی تھی

اپنے دل کی کیفیت کو وہ بہت اچھے طریقے سے سمجھ چکی تھی اسے محبت ہو چکی تھی اور وہ اس محبت کو قبول کر چکی تھی ۔اپنی سوچوں سے بھاگنے والی لڑکی ہر گز نہیں تھی

اس کے دل نے اس سے کہا تھا کہ وہ محبت کر بیٹھی ہے تو ا سے محبت ہو گئی ہے وہ کھل کر اپنی محبت کا اظہار کرتی ہے اسے قلب سے محبت ہے اور وہ محبت میں ہارنے والے نہیں بلکہ اپنی چاہت کو پانے والی لڑکی تھی

جانتی تھی کہ قلب اس وقت اس کے بارے میں کیا سوچ رہا ہوگا وہ اسے کوئی آوارہ کی قسم کی لڑکی یا پھر وقت گزارنے کے لیے کسی لڑکے سے بات کرنے والی لڑکی سمجھ رہا ہوگا

اسے فرق نہیں پڑتا تھا کہ وہ اس کے بارے میں کیا سوچ رہا ہے اس کے لیے اہمیت رکھتی تھی تو صرف اپنی سوچ

اسے صرف اس بات سے فرق پڑتا تھا کہ وہ اس سے محبت کرتی ہے بار بار فون کرنے کی کوشش کرنے کے باوجود بھی فون نہ لگا وہ اس کا نمبر واٹس ایپ اور کانٹیکٹ ہر جگہ سے ڈلیٹ کر چکا تھا وہ ہر طرف سے بلاک تھی

لیکن اسے قلب سے بات کرنی تھی وہ اسے بتانا چاہتی تھی کہ وہ اسے جس طرح کی لڑکی سمجھ رہا ہے وہ ہرگز ایسی نہیں ہے وہ تو خود بھی اپنے جذبات کو نہیں جانتی تھی وہ تو خود بھی نہیں جانتی تھی کہ وہ انجانے میں اس شخص سے محبت کر بیٹھی ہے

اس کے دل نے تو آہستہ سے اس سے سرگوشی کی تھی اور اسے بتایا تھا کہ یہی شخص تمہارا مسٹر رائٹ ہے ۔

لیکن اب اس کا مسٹر رائٹ اسے بالکل بھاؤ نہیں دے رہا تھا

یہ آپ بالکل ٹھیک نہیں کر رہے قلب آپ کو کیا لگتا ہے کہ اگر آپ میرا نمبر بلاک کر دیں گے تو میں آپ کو بھول جاؤں گی ایسا ہرگز نہیں ہوگا میں آرہی ہوں آپ کے پاس آج ہی آپ سے ملنے کے لیے

آپ چاہیں یا نہ چاہیں آپ کو مجھ سے بات کرنی ہوگی آپ کو اس لڑکی کو بھلا کر مجھے ایکسیپٹ کرنا ہوگا اگر اللہ نے میرے دل میں آپ کے لیے محبت ڈالی ہے تو میں آپ کو بھی اس راستے سے پیچھے نہیں ہٹنے دوں گی

میں جانتی ہوں اس سب میں آپ کا ہر گز کوئی قصور نہیں ہے قصور تو میرے دل کا ہے جو آپ پر آ گیا ہے

میں جانتی ہوں آپ کسی اور سے محبت کرتے ہیں لیکن یہ محبت زیادہ دن تک میں رہنے نہیں دوں گی آپ کو مجھ سے محبت ہو جائے گی

کیوں کہ جس اللہ نے مجھے آپ سے محبت کرنے کا حوصلہ دیا ہے وہ آپ کے دل میں میرے لئے نرمی پیدا ضرور کرے گا اس نے فیصلہ کرتے ہوئے موبائل اپنے بیگ میں رکھا اور قلب کے گھر جانے کا ارادہ کرتے ہوئے نیچے ماما کے پاس چلی آئی

°°°°°

وہ کتنی دیر سے موبائل کو دیکھ رہی تھی ابھی تک اس پر کوئی بھی کال نہیں آئی تھی

اسے موبائل استعمال کرنا نہیں آتا تھا لیکن وہ کافی سارا سسٹم سمجھ چکی تھی یہ زیادہ مشکل کام نہیں تھا

ماما ابھی تک کمرے میں واپس نہیں آئی تھی شاید وہ مہمانوں کے ساتھ نیچے مصروف تھیں۔

اس نے سونے کا ارادہ کرتے ہوئے موبائل ایک طرف رکھا اور سونے کے لئے لیٹ گی ابھی اسے آنکھیں بند کئے ہوئے تھوڑی ہی دیر ہوئی تھی کہ اس کا موبائل بجنے لگا اور اس کے ساتھ ہی اس کا دل بھی زور زور سے دھڑکنے لگا

فون تو اس نے اپنے پاس رکھ لیا تھا لیکن اب شہریار سے کیا بات کرے گی یہ اسے سمجھ نہیں آرہا تھا سکرین پر شہریار نام صاف لفظوں میں جگمگا رہا تھا شاید اس نے اپنا نمبر پہلے ہی محفوظ کر دیا تھا

اس نے جلدی سے اٹھ کر سب سے پہلے دروازہ بند کیا اور پھر موبائل کو آن کرتے ہوئے اسے کان سے لگایا

اتنی دیر سے فون اٹھایا سو گئی تھی کیا دوسری طرف سے فون اٹھاتے ہی شکوہ آیا

نہیں سوئی نہیں تھی کمرے کا دروازہ بند کر رہی تھی اس نے بے ساختہ کہہ کر اپنی زبان دانتوں کے نیچے دبائی جبکہ اس کے اتنے صاف جواب پر دوسری طرف سے شہر یار کے لبوں پر مسکراہٹ بکھر گئی تھی

اچھا لیکن دروازہ بند کرنے کی کیا ضرورت تھی وہ شرارتی انداز میں بولا

وہ اگر کوئی آ جاتا تو کیا کہتا کہ میں شادی سے پہلے اپنے دلہے سے بات کر رہی ہوں وہ ذرا گھبرائے ہوئے لہجے میں مدھم سی آواز میں بولی

تو کیا کہتا کیا تمہارےہاں شادی سے پہلے دلہے سے بات کرنا گناہ کے زمرے میں آتا ہے اس کا لہجہ اب بھی شرارتی سا تھا

نہیں ایسا تو کچھ نہیں ہے بس کزن لوگوں کو پتہ چل جائے تو وہ بعد میں تنگ کرتی ہیں اس کا لہجہ اب بھی ویسا ہی تھا معصوم سا مدھم سا شہریار کو بے حد پسند تھا

اچھا تو تم نہیں چاہتی کہ تمہاری کزن کو پتہ چلے کہ میرا فون ہے ۔وہ حیران نہیں ہوا تھا بس بات سے بات نکال رہا تھا تاکہ وہ اس سے باتیں کرتی رہے

جی کیونکہ پھر بعد میں تنگ کرتی ہیں ےو مجھے ۔۔۔۔۔۔

تو تمہیں کیا رک کیوں گئی بتاو ۔۔وہ پوچھنے لگا جبکہ اسمارہ کو لگا تھا وہ بات کو لمبا نہیں کھنچے گا وہ اس کے چپ ہونے پر بات ضروری نا سمجھتے ہوئے نظرانداز کر دے گا۔

تو مجھے شرم آئے گی ۔وہ سچ میں شرما گئی تھی

لیکن تمہیں شرم کیوں آئے گی ہم تو ایسے ویسی کوئی بات نہیں کر رہے۔وہ ہنستے ہوئے حیرانگی کی بھرپور اداکاری کرنے لگا

نہیں وہ اصل میں بات کو کوئی اور رنگ دے دیتی ہیں ۔مطلب کچھ اور باتیں بنا لیتی ہیں وہ سمجھنانا چاہتی تھی لیکن یہاں سمجھنا کون چاہتا تھا۔

کیا رنگ کون سی اور باتیں ۔۔۔وہ جان بوجھ کر پوچھنے لگا اس کی بات کو تو وہ گہرائی تک سمجھ گیا تھا لیکن اس کا شرمیلا انداز اور گھبراہٹ اسے الگ ہی مزا دے رہی تھی۔

اف چھوڑیں آپ نہیں سمجھیں گے وہ بات ختم کرنے والے انداز میں بولی۔

ارے تم سمجھاو تو سہی میں انتا بھی نالائق نہیں ہوں جو سمجھ نا سکوں ۔وہ ہنستے ہوئے بولا ۔یعنی وہ شروع سے ہی سمجھ گیا تھا صرف اسے تنگ کر رہا تھا۔

اسے اپنی بےوقوفی پر جی بھر کے غصہ آیا لیکن غصے میں وہ کچھ نہیں کرتی تھی سوائے رونے کے لیکن اس وقت اسے رونا نہیں آ رہا تھا ۔

بلکہ اس وقت تو وہ خود بھی اپنی کنڈیشن سمجھنے سے قاصر تھی

ویسے میں سوچ رہا ہوں کہ تنگ تو تمہاری سہیلیاں ویسے بھی کرنے والی ہیں تو کچھ باتیں ان کی سوچ کے مطابق کر لیتے ہیں۔وہ اہک بار پھر سے شرارتی انداز میں ملا۔

نہیں ۔۔۔بے ساختہ اس کی زبان سے پھسلا

کیا نہیں میں تو رونمائی کے تحفے کی بات کر رہا ہوں یہی پوچھنا چاہتی ہوں گی نا تمہاری کزنز اور سہیلیاں یا اور اس بھی اگے کی باتیں ہوتی ہیں ۔۔۔۔؟ وہ حیرانگی ظاہر کرنے لگا۔

اف۔۔۔اب وہ پتا نہیں کیا کیا کہنے والا تھا ۔اس ٹیلیفونک گفتگو سے وہ یہ اندازہ لگا چکی تھی کہ وہ کافی بےباک قسم کا انسان ہے وہ اسے ہلکے میں ہرگز نہیں لے سکتی۔

کچھ نہیں مجھے بات ہی نہیں کرنی اس بارے میں بات ختم کرنے والے انداز میں بولی شہریار بھی سمجھ گیا اسی لئے اسے مزید تنگ نہ کرتے ہوئے بات ہی بدلنے لگا

اچھا ٹھیک ہے یار اب ایسی کوئی بات نہیں کرتا یہ بتاؤ کی تمہیں شادی کا جوڑا کیسا لگا اور رونمائی میں کون سا تحفہ چاہتی ہو۔

جوڑا تو بہت اچھا ہےبے حد خوبصورت ہے وہ بس اتنا ہی بول پائی ۔

میں نے کچھ اور بھی پوچھا ہے اس نے اپنی بات پر زور دیا

مجھے نہیں پتا ۔۔۔وہ اس ٹاپک کو بھی ختم کر دینا چاہتی تھی ۔

ایسے کیسے نہیں پتا بتاو مجھے تمہیں کون سی چیز پسند ہے یا پھر ایک خوبصورت سا پینڈانٹ خرید لوں بات یہ ہے میرا ماننا ہے کہ انسان کو تحفے میں کوئی ایسی چیز دینی چاہیے جو سامنے والے کو پسند آئے

اسی لیے میں چاہتا ہوں کہ میں تمہارے لئے جو بھی چیز خریدوں وہ کم از کم تمہاری پسند کی ہو وہ اسے اس کی پسند پوچھنے کی وجہ بتانےلگا

آپ کو جو چیز پسند آئے وہ آپ میرے لئے لے لیں یقین کریں آپ کی پسند میری پسند ہے اس نے پوری ایمانداری سے اپنی سوچ ظاہر کی ۔

اچھا تو ایسی بات ہے مطلب کی میں جو پسند کروں گا وہ تمہیں پسند آئے گا بیشک میں تمہارے لئے سگریٹ پیک ہی کیوں نہ لے لوں۔اس کا انداز شرارت سے بھرپور تھا

اللہ جی۔میں سگریٹ نہیں پیتی شہریار قسم سے میں نے تو کبھی قریب سے دیکھا بھی نہیں ہے اس نے جلدی سے کہا کہ وہ یہ غلط فہمی نہ پالے کہ وہ سگریٹ پیتی ہے جبکہ شہریار تو اس کے منہ سے “اللہ جی” سن کر ہی گھائل ہو گیا تھا

اس نے آج تک کسی کے لبوں سے اس طرح کا ساؤنڈ نہیں سنا تھا اور اس کا یوں بے ساختہ “اللہ جی “کہنا اس بے حد بھایاتھا ۔

میں نے کب کہا کہ تم سگریٹ پیتی ہو تم نے کہا کہ میری پسند کی ہر چیز تمہیں پسند ہو گئی تو سوچا کہ تمہیں سگریٹ پسند آئیں گے کیونکہ میں سگریٹ بہت پسند کرتا ہوں میرا مطلب ہے بہت زیادہ پیتا ہوں تم نے کبھی قریب سے کسی کو سگریٹ پیتے ہوئے نہیں دیکھا تو تمہاری یہ خواہش بھی میری صورت میں پوری ہو ہی جائے گی اس نے جیسے اپنے بارے میں کچھ بھی نہ چھپانے کا فیصلہ کر لیا تھا

کیا آپ سگریٹ پیتے ہیں ۔۔۔۔؟اس کی حیرانگی سے بھرپور مدھم سے آواز آئی

میں پیتا ہوں اور بہت زیادہ پیتا ہوں ۔اس نے پوری ایمانداری سے جواب دیا جب کہ اس کے جواب کے بعد دوسری طرف سے کوئی آواز سنائی نہیں دی تو وہ خود ہی پھر سے بولنے لگا

کیا تمہیں سگریٹ پینے والے لوگ پسند نہیں ۔۔کیا تمہیں میرا سگریٹ پینا پسند نہیں ۔

نہیں نہیں شہر یار ایسی کوئی بات نہیں ہے سگریٹ تو قلب بھائی بھی پیتے ہیں ۔لیکن سائنس کہتی ہے کہ یہ صحت کے لئے موثر ہے نہیں پینا چاہیے ۔اس سے انسان کی طبیعت خراب ہو جاتی ہے اور سانسیں کم ہو جاتی ہیں ۔اس نے جلدی سے جواب دیا تھا جب کہ اس کے جواب پر دوسری طرف سے شہریار کاقہقہ سنائی دیا ۔

غلط ہے تمہاری سائنس ۔میں تقریبا سات سال سے سگریٹ پی رہا ہوں آج تک میری صحت پر اس سے کوئی بھی برا اثر نہیں ہوا

اور نہ ہی اس کی وجہ سے کبھی میری طبیعت خراب ہوئی ہے سانس بھی ایک نمبر آ رہی ہے ابھی تک کوئی کمی محسوس نہیں ہوئی ۔اب تمہارے آنے کے بعد کمی ہوجائے تو الگ بات ہے وہ پھر سے بےباک ہوا۔

میرے آنے کے بعد کیوں کمی ہوگی ۔میں کیا سانسیں چھن لوں گی آپ سے وہ حیران ہوئی ۔

نہیں سانسیں تونہیں چھینو گی لیکن سننے میں آیا ہے کہ شادی کے بعد بیویاں خون پی جاتی ہیں وہ ہنستے ہوئے بولا ۔

یا اللہ کیا میں آپ کو ایسی لگتی ہو وہ ناراض ہو کر کہنے لگی شہریار سے باتوں کے دوران وہ یہ بھی بھول چکی تھی کہ اس سے بات کرنے سے پہلے وہ کتنی زیادہ نروس تھی

اس کی امی نے سچ ہی کہا تھا شہریار زیادہ دیر خود سے کسی کو انجان نہیں رہنے دیتا کتنی آسانی سے اس نے اسے باتوں میں لگا لیا تھا ۔

میں تمہیں کیا بتاؤں کہ تم مجھے کیسی لگتی ہو جانم اگر اس وقت میرے پاس ہوتی تو اپنی باہوں میں بھر کر تمہیں سینے میں چھپا لیتا اور پھر دنیا سے دور لے جاتا ۔وہ بےخودی میں بول تو گیا لیکن اب اسے احساس ہوا تھا کہ اس نے وقت سے پہلے اپنے جزبات کا اظہار کر دیا ہے جو ابھی کے لیے سہی نہیں تھا۔

اسمارہ۔۔۔۔؟ اسمارہ اس نے پکارہ لیکن دوسری طرف سے صرف اس کی سانسوں کی آواز آ رہی تھی ۔

یار کچھ بولو نہ ۔چلو ہاں یا نہ ہی بول دو تمہاری خاموشی ڈرا رہی ہے مجھے ۔

لگاتا ہے تم نے اب شادی کی رات ہی لب کھولنے ہیں لیکن اتنے وقت تک میں تم سے بات کیے بنا نہیں رہ پاوں گا۔

میرا دل چاہ رہا ہے کہ میں تم سے اپنے دل کی ہر بات شیئر کروں میں تمہارے بارے میں کیا سوچتا ہوں اپنی آنے والی شادی شدہ زندگی کے بارے میں کیا سوچتا ہوں ۔آگے اپنی زندگی میں کیا چاہتا ہوں ۔

تمہیں لے کر میں نے کون کون سے خواب سجائے ہیں

میں تمہارے ساتھ اپنی آنے والی زندگی کو کس طرح سے خوبصورت بناوں گا ۔

میں تمہیں بتانا چاہتا ہوں کہ میں ہر ایک لمحے کو تمہارے ساتھ کس طرح سے سپیشل بناؤں گا ۔

میں اپنی زندگی کے 28 سال گزار چکا ہوں لیکن ایسا لگتا ہے جیسے ابھی ایک لمحہ بھی نہیں گزارا زندگی تو تب شروع ہوگی جب تم میری ہم سفر بن کر میری زندگی میں شامل ہو گئی وہ ایک ایک پل خوشگوار ہوگا ۔

مجھے شدت سے آنے والے زندگی کا انتظار ہے جس میں تم میرے ساتھ ہو گی۔اور میں تہمیں اپنی باہوں میں لے کر محبت کا ایک نیا جہاں بساؤں گا ۔وہ سمجھ چکا تھا کہ اب وہ کچھ نہیں بولے گی اسی لیے کھل کر اپنے جذبات اس پر ظاہر کرنے لگا تھا

جبکہ دوسری طرف وہ سنے جا رہی تھی وہ جانتا تھا کہ وہ اس کی ایک ایک بات کو سن رہی ہے اور اس کی طرف سے جواب کا منتظر ہرگز نہیں تھا پھر بھی ایک چھوٹی سی پکار کے ساتھ وہ یقین دہانی چاہتا تھا

اسمارہ تم بھی یہی چاہتی ہوں نا تم بھی میرے ساتھ پیاری سے زندگی گزارنا چاہتی ہو نا کیا تمہیں لگتا ہے کہ زندگی تب شروع ہوگی جب ہم دونوں ایک ساتھ ہوں گے

اس نے بلا ارادہ اس سے پوچھ لیا جبکہ دوسری طرف سے اسے کافی دیر تک کوئی آواز نہیں سنائی تھی لیکن اس نے محسوس کیا تھا شاید اس کی باتیں سن کر وہ مسکرائی تھی اور پھر فون آہستہ سے کان سے ہٹا کر اپنے دل کے قریب رکھ لیا

اس کی دھڑکنوں کی آواز سنتے ہوئے شہریار کے لبوں پر پیاری سی مسکراہٹ بکھر گئی جب کہ اگلے ہی لمحے اس نے فون بند کر دیا تھا

شہریار نے دوبارہ اسے فون نہیں کیا وہ اسے مزید کسی امتحان میں نہیں ڈال سکتا تھا لیکن اس کا کھل کر اظہار کرنا ہی اس کے لیے ایک بڑی مشکل پیدا کر گیا تھا